Per te gjithe ata qe kane qejf embelsirat e tharta dhe frutat e pyllit kjo torte ose me sakte cheesecake eshte perfekt per ju. Eshte e thjeshte ne pergatitje, nuk kerkon pjekje as pajisje ne pergatitje po vetem ingredientet dhe nje spatul. Nuk eshte receta tipike per cheesecake sepse anon shume nga kosi.
Per kete recete ju nevojiten:
- 2 krem djathi Philadelfia (secila 175 gr)
- Kos grek 500gr
- Biskota Digestive 1 pako ose Petite Beurre
- 150 gram gjalp i shkrire
- Fruta pylli
- Sheqer i bardhe 2 luge ose aspak
- 4 fleta xhelatine
- 1 bustine vanilje
- 1 limon
Grijme biskotat ne mikser dhe i perziejme me gjalpin e shkrire,i shtrojme ne tepsi duke i ngjeshur me dore dhe e leme ne frigorifer gjate pergatitjes se kremit.
Shtojme philadelfian ne nje tas dhe e rrahim me rrahsin elektik ose me ate te dores derisa vjen ne trajte kremi. Shtojme kosin grek dhe i rrahim se bashku. Shtojme te kremi i djathit vaniljen dhe nje gjysem limoni te shtrydhur.
3 fleta xhelatine i vendosim te zbuten ne pak uje per 5 minuta. Ne nje tenxhere kemi hedhur 100ml uje te nxehet dhe 1 luge sheqer te bardhe, kur nis vlon shtojme xhelatinen dhe perziejme derisa te shperbehet e gjitha xhelatina, e leme te ftohet ne temperature ambjenti, dhe se bashku i perziejme me kremin e mesiperm. Kremi eshte gati, sipas deshires mund ti shtoni me shume sheqer, e shtojme ne taven e biskotave dhe e leme ne frigorifer per 3-4 ore.
Frutat e zgjedhura ,ne kete rast bornicat,mjedrat,rrushin francez dhe luleshtrydhet mua s’me pelqen ti bej pure. I pastrojme,ju thajme ujin me leter kuzhine me kujdes dhe me nje pirun i shtypim pak ne nje tas,ju shtojme 1 luge leng limoni dhe 1 luge sheqer. Mua me pelqen mos t’ju shtoj sheqer dhe receli i perftuar te jete vetem me fruktozen e tyre,por mund ti shtoni 3-4 luge sheqer kane per ta embelsuar pasi kremi i mesiperm eshte mjaftueshem i athët vete. I perziejme bashke shtojme pak uje rreth 3-4 luge uje dhe vendosim te zieje .Pasi te kene ziere frutat shtojme dhe 1 flete xhelatine te zbutur me pare ne pakez uje. E leme te ftohet pasi e kemi hequr nga soba.
Nxjerrim tepsine nga frigoriferi (eshte mire ta leme recelin te ftohet komplet) dhe shtojme mbi te recelin e perftuar.I leme se bashku te ftohen per 2-3 ore te tjera ose gjate nates. Per ta nxjerre nxehim nje maje thike dhe e kalojme ne anet e tepsise. Zakonisht mua me pelqen qe ta le recelin sipas recetave klasike pra pa xhalatine dhe ta shtoj ne momentin e servirjes. Nqs perdorim fruta te tjera procedura eshte e njejte dhe shtoni me pak se 1 gote uje,dhe mos shtoni sheqer fare s’eshte nevoja.
Ju befte mire !
